حركتات .. زركشات .. للماسنجر !!

السلام عليكم ورحمة الله وبركاته

أكثرنا يستخدم الماسنجر .. ويعرف خصائصه .. لكن فيه بعض الخصاائص الحلوه اللي بعضنا مايعرفها

النقاط اللي راح اشرحه هي أهم النقااط في الماسنجر واكثرها حيوية من وجهة نظري



قبل ما نبدأ الشرح ..
نحتاج للبرامج التالية
(1)



ماسنجر بلس 4,6





(2)
برنامج
StuffPlug 3,5



للتحميل




Stuffplug وراح اشرح أهم مميزات ماسنجر بلس .. و مميزات برنامج



ماسنجر بلس
طبعا هو عبارة عن برنامج تكميلي يتم تركيبه على الماسنجر الاساسي ليعطي ميزات وصفات جمالية للماسنجر الاساسي
هو برنامج سهل .. واللي راح يركبه راح يكتشف معظم مميزاته
انا ان شاااء الله ابشرح الأشياء المهمه في نظري
من مميزات البرنامج
صناعة توبيكات
اضافة حالات خاصة غير في الخارج وسأعود حالا وتراني اتغدى
تغير ثيم الماسنجر
تضيف سكريبتات وحركات نص كم
تضيف أصوات
تقفل ماسنجر وتشفر محادثاتك
وغيروه وغيروه
طبعا أول ما تحمل ماسنجر بلس .. وتعيد تشغيل الماسنجر .. راح يفتح لك في البداية مشكل الأعدادات .. أنت امشي معه خطوه خطوه وشوف اللي يناسبك من المميزات
بعد ما حملنا البرنامج .. نجي نشرح كم ميزه فيه
أولا .. نرووح ل
Plus
بعدين الأعدادت
كل شغلنا راح يكون في ويندو الاعدااداات



نبدأ أولا بالسكربتاااات
طبعا هي عباره عن اضافات للبلس .. كل سكريبت له ميزه معينه
مثلا .. فيه سكريبت يشيل عبارة : يقوم ××× بكتابة رساله
وفيه سكريبت يغير صورة العرض حقتك كل شوي
وفيه سكريبت يخليك تكتب بنك نيم صاحبك .. وتوهقه
طيب خلونا من هالأمثله .. وتعالوا نشوف كيف نركبها
طبعا أول شيء تحمل السكريبتات على جهازك ..
Scripts ... سكريبتاااات
Crazy text Background changer

==

يغير لك الخلفية بطريقة حلوه وسهله يكتب لك النك نيم بحرووف رهييييبه
Colorize Typing invisible

==

يشيل جملة .. يقوم ××× بكتابة رسالة يخلي كتابتك مره رهيبه بألوان وحركات
طبعا السكريبتااات مررره كثييير ..
هنا في هذا الموووقع رااح تحصل سكريبتااات بالهبل .. ووصف لكل سكريبت
شيء منها خاص بالصوره .. وشيء بالنصوص .. وشيء بالأصوات .. وانت ماااشي




نجي لعملية التركيب
طبعا في ويندو الاعدااداات
على الخصائص العامه
نختار السكريبتات
راح يفتح لنا مثل هالصوره



نضغط على اضافه .. بعدين



بعدها تجينا هالشاشه
ضع علامة صح.. على انك تتحمل المسؤوليه ..
بعدين كليك على أضاافه



ومبرووووووك يابا الحج.. روح استمتع بالسكريبت اللي ركبته





بعض التوبيكات تحصلونه في الملف هذاا













Themes...ثيمات
من مميزات البلس .. أنك تقدر تغير واجهة الماسنجر بالشكل اللي يعجبك .. وتقدر تحمل من هالثيماات اللي وش كثرها .. وتركب .. وكل يووم لك شكل جديد



مجموعة كبيره من الثيمات .. هنا



وشلون نركب ثيم جديد
نمشي زي ماهو موضح بالأرقام تحت

نروح ل تهيئه
بعدين نضغط في اليمين على الأشكال
وراح يفتح لنا هالويندو



نضغط على
Import
وبعدين



نضغط على تثببيت الشكل



وخلاص .. روح وشغل الماسنجر من جديد واستمتع هع



تلميحة ع الطاير
وشلوون تعرف اللي حاذفك .. للي مايعرفها
في واجهة الماسنجر
ترووح ل أدوات .. بعدين في آخر القائمه خيارات
راح يفتح لك هالويندوو
اضغط في القائمة اللي ع اليمين .. الخصوصية



نصوص سريعة
من مميزات البلس .. انك تقدر تحط اختصار لبعض الجمل اللي دايم تستخدمها .. مثل السلام .. ويلكموو .. وبرررررب وغيرها .. وتكتبها بأشكال جمالية تخليك اقدع واحد في الحته
من قائمة المحادثااات
نختار من اليمين .. النصوص السريعه
راح يفتح لنا هالويندو




تنبيهات
من الأشياء الحلوه في البلس .. أنك زي ماتعرف اللي سجل الدخوول ...
تعرف اللي سجل خرووج بنفس الطريقه وتعرف اللي صار بيزي .. واللي صار اوي .. واللي راح يتغدى ..
طبعا ما راح تسوي هالحركه اللي اذا كان الشخص يهمك .. ولا ماسكن عليك شيء خخخخخخخ ما احد مسك عليه شيء ترى
نرووح ل تهيئة
بعدين ع اليمين .. نختار .. تنبيهات الأحداث
ونختار اضافه مثل ماهو واضح بالصوره
راح يفتح لك ويندوو .. تختاار منها الشخص اللي تبغى تعرف كل تحركاااته



وبعدين تختاار .. التنبيه اللي تبغى الماسنجر يعلمك فيه
اذا سجل خروج .. ولا غير اسمه .. ولا راح للحمام وانتم بكرامه



بعد ما تحدد .. اضغط على التالي
انت واحد عميااان.. ولا نظرك على قدك وماتفرق بين سبعة الديمن وسبعة الهاص
ولا مشغل الماسنجر .. وحاط اواي وجالس تشووف فيلم .. وودك تعرف تحركات صاحبنا هذاك
روح وحط له نغمة .. بحيث لو أنك في المطبخ تفتح علبة التونه.. وسجل خروجه هو .. تعرف هع



Stuffplug
طبعا هو برنامج يتم تركيبه على الماسنجر .. ليعطي خصائص ومميزااات مررره حلوه
تقريبا .. هو كأنه مجمووعة كبيره من السكريبتااات في برنامج واحد
بعد ما تحمل البرنامج . وتفتح الماسنجر .. راح تحصل ايقونة البرنامج مرتزه في الماسنجر ..
تعال نشووف مميزاااته



Contact list أول شيء نبدأ بال



طبع بمجرد م تمرر الماوس على اي خاصية راح يعطيك نبذه عنها .. انا راح احاول اشرحها
(1)
اذا حطيت صح .. راح تطلع لك ايقونة البرنامج في واجهة الماسنجر ... لتسخدمه بشكل اسرع واسهل
(2)
يسمح لك بالتعديل على التوبيك مباشرة من الكونتاكت ليست
(3)
اذا انت مقسم الحلوين اللي عندك لقروبات.. تقدر تسوي بلوك لكل القروب بضغطه وحده .. عن طريق رايت كليك على القروب وتحصل في الاخير
Block entier group
عاد انت وضميرك
(4)
يسهل من عملية اضافة كونتاكت جديده .. ما شفت لها فايده



خلصنا من القائمة الاولى .. نجي للقائمة الثانية .. واللي هي قائمة المحادثااات
Conversations



الله الله ع الجد .. والجد الله الله عليه ..
نجي ع الجد
(1)
هذ رهييييييييييب.. انبسط على اخوياك وسو فيهم مقاالب ... جاري نسخ ملفاتك هع
من هن تقدر تكتب بدون مايطلع توبيكك في المحادثه
كل السالفة انك تكتب
!action
قبل الكلام اللي تبي تقول .. وانبسط ياعم
(2)
:S
كلن نعرف هالأختصااراات .. من هنا تقدر تحط السمايل اللي يناسبك بمثل هالاختصااراات .. ولا يهمك اكبر شنب في مايكروسوفت هع
(3)
اتكلم مع اللي انت مسوي له بلوووك .. وخليه يستاانس
(4)
من هنا .. تقدر تخلي لك توبيك في المحااادثاات .. غير التوبيك اللي مووجود في واجهة الماسنجر
(5)
تتكلم مع نااس كل واحد في ديره .. وكل واحد يختلف توقيته عن الثاني ... من هنا تقدر تحدد توقيت صاحبك عن طريق ساعة تطلع تحت صورته
تضغط عليها .. وتحدد المنطقة اللي هوو فيها
(6)
يحط لك ايقونة البرنامج في شاشة المحادثة .. اسرع لك
(7)
تبي تهبل في اخويااك.. من هن تقدر تسوي دعوااات كاذبة
مثل نقل فايروس .. ولا سرقة ملفاتك او اي شيء تبغاه ..
حط عليه صح ...
بعدين في شاشة المحادثه .. روح لأيقونة البرنامج .. راح تحصل
Fake invitation
اختر منها اللي يناسبك .. او اكتب اللي تبي عن طريق
Enter your own

(
جالس تشووف فيلم .. وحاط فل سكرين .. ووصلك مسج .. تنوور الكيبوورد لعيوونك
(9)
يسمح لك بإرسال اكثر من 3 ملفااات في وقت واحد
(10)
من هنا يخليك تكتب اكثر من 5000 حرف في كل رسالة
(11)
يسمح بارسال اكثر من 5 سمايلات في الرسالة الواحده
(12)
يعرض حالات اللي معك بالمحادثه .. بزعمهم تسهيل
(13)
ساعة جنب اسمك كل ما تكلمت
(14)
يشيلك عباارة .. يقوم ××× بكتابة رسالة


بعدين نجي للقائمه الثالثه ..
Experimental



مثل ماهو واضح .. ما رااح اشرح الا ال3 الاخيرات .. لأن اللي كل الخصائص اللي فوق كان فيها مشكله .. يمكن لأن الويندوز فيستا
(1)
انت شخص تفتح مليوون صفحة .. وفووق كذا عندك تسمعية واحد يتكلمون معك ع الماسنجر ..
من هنا تقدر تخليهم كلهم في ويندو وحده ..وترتاااح نفسياا
زي ماهو واضح بالصوره



(2)
(يضيف لك مميزات على لون الخط .. وعلى الرسالة اللي تكتبها بيدك .. (ماجربته
(3)
تقدر تضيف مميزات جديده للبرنامج عن طريق تحميل سكربتااات


القاائمة الراابعه .. الخصاائص العاامه
General


(1)
يسمح للآخرين بمعرفة توقيتك
(2)
سارق الصور ... راح اتكلم عنه في الخطوه الجايه ان شااء الله
(3)
عندك اكثر من متصفح .. من هنا تفتح اي لينك في المتصفح الافترااضي عندك
(4)
Experimental يعرض قائمة الخصائص التجريبيه
اللي تكلمت عنها في الخطوه السابقه
(5)
يخلي الماسنجر يستخدم اقل قدر من الذاكره
(6)
حبايبك واجد .. وعندك اكثر من ايميل .. من هنا تفتح اكثر من ماااسنجر
(7)
يساعدك في تناااسق الألوااان لكل ويندو
(
يسرع من فحص الحماية للرسائل
(9)
يحط لك ايقونة الأيميل حقك .. ويسهل عليك فتح اي رسالة جديده توصلك


ساارق الصور




ميزة هالخااصيه .. انه تحفظ كل الصور اللي يستخدمها الكونتاكت حقينك .. وفوق كذا يحفظ لك كل سمايل وكل صوره ديناميكية هع استخدموها حبايبك
مثل ماهو واضح بالصوره



تقدر تأخذ اللي تبي من صور وسمايلز .. ويادار ما دخلك شر
أخيرا .. عسى الموضوع كان مفيد وارتفع لذائقتكم

تحيآتي ,,