ليت انا طفله انآم ولاحد قدي

سقى الله يوم أنا طفله وأنام ولاحد قدي
ولا أحاتي هموم اليوم ولا أحاتي أمل بكره
تداعب أمي شعري وتمسح يدها خدي
ونومي هادي وساكن رعانا الرب في ستره
تلاعب يدي الدميه وعندي هالزمن وردي
همومي لعبتي ضاعت وعندي هم وش كبره
كبرت وزادت همومي واحس ان الزمن ضدي
كبرت ونظرة الطفله تعيش بداخلي فطره
كبرت وعشت هالدنيا كبرت ولاهو بودي
كبرت بشكلي ورسمي وعقلي باقي بصغره
وصار الهم يلعب بي كما الدميات في يدي
وأسامر ليلي بطوله ويلعن رحلته فجره
زماني كشر بنــابه وصبري بيح بسده
حياة بحرها هادر وكل غارق بشبره
بشر تاكل بعض تاكل وتحرق عينها جلدي
بشر تسرق صفا خاطري وكحل العين بالأبره
ياليت وليت أنا طفله وانام ولاحد قدي
ولا أحاتي هموم اليوم ولا أحاتي أمل بكره

شكرا اختي على الموضوع الحلو

مشاء الله
تبارك الله
جميل
من جد جميل